Alles Theater

Eindelik e book wovan verwach maog waere dat Limburgse amateurtonieëlsjpelers 't massaal zulle koupe. In Alles Theater, deil 35 van de LiLiLi, sjtónt 12 korte en superkorte tonieëlsjtökker die door inkele sjpelers gebrach kinne waere óp aovende. D'r zeen d'r ein deil die wat langer zeen of in 'n dialek det zo ein twie drei neet door ederein versjtaon kin waere, mer klein aanpassinge maak in principe jedere regisseur opnuuj. Dao zeen 'n aantal sjtaaltjes van literaire meistersjap bij (zo wie de monoloog van G. Rapaille én dae van Annie van Gansewinkel), mer ouch sjtökker die veur 'ne gezèllige aovend garant sjtaon. Veur jedere sjmaak get, zou ich zo dinke.

Hub Bartholomeus (Nirbiks)
20-12-2002