Bundel Midde-Limburg

Iërste bundel van de schrièverskrink Midde-Limburg


Op 8 juli a.s. zal de oètreiking plaatsvinde van de iërste bundel met daoin geselekteerde werke welke de leje van de schrièverskrink Midde-Limburg in de aafgeloupe dreej jaor hebbe geschreve.

't Is 'n verzameling van gedichte en verhaole, waoin ouk de werke van de genomineerde en prièswinnaars van de Veldeke dialekpriès oèt 't verleje, zien opgenaome . De bundel besleit zo'n 113 bladzijde en d'r zien werke in 10 verschillende Midde-Limburgse dialekte in opgenaome. Me kin in de bundel laeze wie in tien verschillende dialekte bepaolde oètdrökkinge waere geschreve en gespraoke. Alles beejein 'n verièking van ós Limburgs dialek!

Ouk kan de bundel deens doon beej de verschillende cursusse dialekschriève, waobeej dan ouk in ein meujte door de verschillende schrièfsteile van de schrièvers bekeke kinne waere.

Alvas hertelik dank veur de mitwerking,

Jan Maas
veurzitter schrièverskrink Midde-Limburg
en samesteller van de bundel.