Nao de Heiligdomsvaart in Mestreech (7 juli 2011)
vertrèk van de bös óm 9.00 oer op de Mert in Ech
't Jaorliks oetstepke is ‘n aktiviteit van Veldeke Krink Ech, wo väöl leje mit plezeer nao oetkieke. Dit jaor stuit op ’t program ‘n bezeuk aan d’n Ommegang van de Heiligdomsvaart. Dit wurt gecombineerd mit – nao keuze - ’n bezeuk aan de Pontificale Hoagmès in de St. Servaesbasiliek of mit ’n bezeuk aan de tentoanstèlling van moderne kunst, ouch betreffendje de Heiligdomsvaart, in de O.L.Vr. Basiliek.
Nao de Mès of ’t bezeuk aan de tentoanstèlling kan m’n zich in de stad op eige gelaegenheid get aete of drènke. Daonao weurtj ederein op de aafgespraoke tied oppe tribuun bie “d’n Ommegang”verwach.
D’n Ommegang is de aafsloeting van ‘n groat aantal culturele en religieuze aktiviteite in väöraafgaonde maondje in Mestreech róndj St. Servaes, d’n ieërste bisjop en stadspatroan van Mestreech en eine van oos iesheilige . Het thema is “Ad Lucem / Het (Eeuwige) Licht tegemoet”. In d’n 54e Ommegang wurt St. Servaes herdach en det gebäörtj om de zeve jaor. De stoet is opgeboewdj oet 7 panele, mit eder ’n eige thema. D’r loupe zeker 2000 luuj in mit. Stadsdevoties, relieken en de Noadkist waere getuuendj.
Nao d’n Ommegang kan m’n op eige gelaegenheid ’n terrasje bezeuke in de sjtad. Óm 18.00 oer vertrèktj de bös weer nao Ech. Op dit moment zeen de 50 besjikbaar plaatse in de bös en op de tribunes van d’n Ommegang al vergaeve aan de leje die zich ’t ieës gemeldj höbbe. ‘t Is praktisch neet haolbaar, nog mieë leje of introducees in te laote sjrieve.