Laezing äöver Mestreechs aardewerk (26 oktober 2011)
W’r kènne ‘t allemaol: höbbe d’r van gehuuerdj of höbbe mesjien zelfs ’n servies of ’n deil d’rvan in hoes: Meestreechs aardewerk is breid versprèdj. En toch is die industrie noe gans verdwene oet de stad en weurtj ’t neet mieë geproduceerdj. Des te mieë raeje óm zorgvuldig óm te gaon mit waat ós nog resj. Mit rech weurtj gespraoke van “cultureel erfgood”.
‘Ne bie oetstek deskundige kömtj op oetnuuediging van Veldeke Krink Ech dao-äöver vertèlle op 26 oktoaber aanstaondje. Deze aovendj is behalve väör oos eige leje ouch bedoeldj väör belangstèllendje leje vanne zöstervereniginge “Echter Landj” en “Pepijnsland” en verder geïnteresseerdje. D’n hieër Jacq Saat is 14 jaor secretaris gewaes vanne Vereniging Mestreechs Aardewerk en hae witj dao ’t nuuedige van. Ouch verzameltj hae zelf.
In zien laezing (mit dia’s) zal d’r ingaon oppe gesjiedenis vanne aardewerk-industrie in Mestreech, de productie enz. Daonaeve zal hae aanwiezinge gaeve väör ’t herkènne en datere van Mestreechs aardewerk. Daovan bestuitj ’n groate diversiteit.
Numtj get mit!
Net wie bie “Tussen kunst en kitsch” kèntj g’r ouch ein of anger mit numme es g’r dènktj det det Mestreechs aardewerk zoe kènne zeen. Det stuitj den aan de óngerkantj: Societé Ceramique, of Petrus Regout of Mestreech. Neet óm te huuère waat ’t waerd is, met óm d’r achter te kómme of ’t ech Mestreechs is. Den is ’t vanzelf waerdig! Dhr. Saat zal hie den ’t ein en anger äöver zègke.
Dit belaoftj dus ‘ne interessante aovendj te waere: op woonsdig 26 oktoaber, vanaaf 20.00 oer in Broen Café de Mert in Ech.
Leje gratis, neet-leje betale vief euro.