Laezing äöver de Heiligdomsvaart in Mestreech (22 juni 2011)
Op woonsdig 22 juni 2011 óm 20.00 oer, in Broen Cafë de Mèrt, zal d’n hieër Bert Beenkens, väörzitter van de Kommissie Pelgrimages en Vieringe van de Heiligdomsvaart Mestreech in ’t Mestreechs dialect, mit óngersteuning van beelde en meziek, van alles vertèlle äover de Baejwaeg dae w’r make noa d’n Ommegang in Mestreech in ’t kader van oos jaorliks oetstepke.
’t Programma van d’n aovend is (ónger väörbehoud):
- ’n inleiding äöver de óntstaonsgeschiedenis van de Heiligdomsvaart,
- film-impressies van de nao-oorlogse Heiligdomsvaarte,
- korte pauze,
- de órganisatie van de kómmende Heiligdomsvaart
- filmimpressie van de väörgaonde Heiligdomsvaart
Bert is ‘ne ervare Mestreechse causeur, dae garant stuit väör ‘ne interessante aovend, dae g’r neet moog misse es g’r mieë van deze historische “Ommegank” wiltj wete. Op deze aovend is ouch de lèste gelaegenheid om insjriefformuliere in te levere väör waem mit wil gaon mit dit oetsteptke (es d’r den t’nminste nog plaatse besjikbaar zeen).