Literatuurprijs 2007

Wieërt, augustus 2007

Beste schriêver/schriefster,

De indjdatum vör ’t insteure van proza of poëzie vör de groeëte Literatuurpriês 2007 kûmtj in zicht. Meschien hejje eur wêrk al ingesteurdj mer mochdje ’t vergaete zeen dan és dieëze breef vör uch bedoeldj. Tot uterlik 15 september hejje nog de tiêd. Wi-j ieërder al via persuuënlike breeve en via de media bekindj es gemaaktj heet deze wedstriêd gein verplichtj thema, ederein kân dus zelf ’n ôngerwerp keze. Gae kuntj mer in ein kategorie (of proza of poëzie) mejdoon! ‘t Gebroêk van de Veldekespelling heet de veurkeur mer és neet doorslaaggaevendj beej de zjurering.

Haodj waal raekening met de limiete. Vör proza liktj de grens op maksimaal 2500 weurd, vör poëzie es ’t maksimum 200 regels. Zoeë wi-j altiêd es de veurwaarde det ’t origineel wêrk mot zeen det neet ieërder és gepubliseerdj. De winnaar kriegtj € 500,- en e kûnstwêrk van Desirée Tonnaer. Anger genomineerdje kriêge ‘ne kadobon en ’n oorkonde. Speciaal vör jonger schriêvers tot 21 jaor és dit jaor door de gemeindje Hasseltj ‘ne extra priês van € 250,- beschikbaar gestéldj. Daorum es ’t winselik um de laeftiêd te vermelle.

De finale heet dit jaor ’n hieël apaart karakter. De figuur Veldeke kûmtj breid ônger de aandacht in ’t Bêlze Hasseltj mét ’t evenemênt VIVA Veldeke. Dit és e projekt van de twieë Limburge same. Daobinne pasj de priêsuutreiking op 18 november prima.

Vör ’t reglemênt of wieter informatie kujje terecht op de Veldeke-website www.veldeke.net of beej ôngerstaondje kontaktpersoeën.

De kontaktadresse zeen:

Veldeke website: www.veldeke.net

E-mailadres: harfo@home.nl

Postadres: Veldeke Literatuurpriês 2006

Postbus 3527, 6017 ZG Thorn

Tillefoon: Jan Moonen 0495 - 53 77 90