Paosje - Kingerversjke

Kingerversjke

paosjhaas,
wiebelnaas,
wiebelsjtertsje
…hazehertsje.



Palmebessem

palme-palme-paosje
ich draag dich hoog,
palme-palme-paosje
ómdet ich van dich aete moog.

palme-palme-paosje
lekkers allerlei
haeske, haenke, hin en ei.



Beestewiesheid

inne paosjtied
bön ich dök 't haasje
en mit eer,
wen ich nao de paosje
't haasje bön
is det mit minder plezeer.



Inkel veurjaorsgedichte

veur 't eers
haet de wintjer zich
bie 't veurjaor gebiech
en 't is det oos sjoegkel
weer hendsjes krieg.


***

zachte veurjaorswindj
sjlèp lich en blie
mitte lèste reste
wintjer-melancholie

***

ein klein crocussekindj
sjteit blaw
vanne kaw
te riejere
inne meertse windj.



Haiku

de veugel zinge
lokkend enne lente leet
zich gaer verleije




Toos Schoenmakers-Visschers
11-2-2006


Paosje: