Veur de kènjer: kersknien

Mit kersmis aete hieël väöl luj haas of knien.

Went men ein laevend knienke of eine sjtolse haas èns tegooi gezeen haet, geit dich in eine waeg den hónger euver, went zoa ein zelfde deerke op ein sjóttel geserveerd wurt.

Bekiek ze dich mer èns.

Weer kènne versjeije knienkes, zoa wie: Peter Rabbit, Bugs Bunny en Broer Konijn. Knienkes kómme weer dökker taenge in beukskes, in teikenfilms, of es knuffel. Haze vènje weer mieë in de taal:

"Het hazenpad kiezen" - Went eine d'r tösje oet geit.

"Hij is het haasje" - 't Óngelök haet hem te pakke.

"Een angsthaas" - Eine sjujerik.

"Een hazenslaapje" - Ein kort sjläöpke, of wie men det bie ós zaet: ein "unjerke".

"Hij heeft haas gegeten" - Det is ein laf persoan.

"Oude hazen kennen de stroppen" - Luj mit ervaring laote zich gein oar aan-neije.

"Wie op twee hazen jaagt vangt er geen enkele" - Men mót gein twieë dènger in eine kieër doon.

Zoa zeen der nog väöl mieë.

Went men bie 't wanjele eine knien meint te zeen, kan det dökker ouch eine haas zeen. Men meint det det neet väöl oet maak, mer dao zeen toch ein hieël deil versjille tósje eine haas en eine knien.

Doe kóns medein zeen det de oare van eine haas väöl langer zeen es die van eine knien. Mer dao is nog mieë.

Haas

• Groat, tot 4 kilo zjwaor,
• Groate laepele (oare)
• Sjtevige groate peuët
• Pluimsjtaart mit zjwart
• Baovegróndjs leger (óndepe nèskoel)
• Laef allein (boete de paartied)
• Jónge waere behaord gebaore mit aope uigskes
• Woont op aope kleigróndj (polders, weie)
• Gooie aafsjtandjs-luiper, bie geväör löp hae waal 60 km.
• Maak sjerpe bochte, (sjluit haoke)

• Kleiner, 1,5 tot 2 kilo zwaor
• Korte laepele
• Kleinere peuëtjes
• Pluimsjtaart mit wit
• Ongergróndjs mit väöl piepe
• Laef in ein kolonie (groep)
• Jónge waere kaal en blèndj gebaore
• Woont op zandj gróndj (bos en duine)
• Höppelieër en korte sjprinter nao zien veilig hölke.
• Went 't gesjnied haet kan men de sjpaore van haze en knien dökker good volge. Zeuk mer èns good wents doe de volgende kieër geis wanjele, missjiens vunjs doe den mit ein bietsjke gelök ein puuske van ein haze of knienkes bóntj-jeske.