Wanjele mit N.H.V. (26 juni 2010)
Zoa es bekèndj haet oze Krink drie kieër p’r jaor ’n gezamelike activiteit mit de zösterorganisaties Heemkundekring “Echter Landj” en Natuur Historische Vereniging “Pepijnslandj”. Op zaoterdig 26 juni 2010 is de NHV de oetnueëdigendje pertie. Zie höbbe väör dae daag smörges ein sjoan wanjeling opgezatj door ’t Haeselaarsbrook. D’r zeen gidse bie väör oetlik. Leje van Veldeke Krink Ech zeen van herte welkom óm mit te loupe. Vertrokke weurtj óm 09.30 oer oppe T-splitsing Bos en Broek – Haeselaarsweg, wo mer beperktj parkeerplaats väör auto’s is. Same kómme dus aanbevaole! Dènk ouch aan stevige en toe sjoon väör ’t wanjele in det gebied.
De besture vanne drie verenigingen haope det de leje zólle deilnumme en zoa hunne kiek op de natuur, op de historische en cultureel zake vanne Gemèndje Ech-Zöstere wille verbreije.