Kómmendje activiteit

Dialect in al zien sjoanheid:
‘ne aovendj tösse de Aesters!

 

Inmiddels kènne w’r ‘t tót ein van de tradities bönne oos vereniging raekene det w’r same nao de vastelaoveszitting gaon van de Aesters van Ech. Ouch dit jaor höbbe w’r det weer in oos programma opgenómme, ómdet dees aovendje bie väöl van oos leje stieëds geweldig inne smaak zeen gevalle.

 

De troewe bezeukers weite det door de Vastelaovesvereniging eder jaor ’n geweldig programma oppe plenk weurtj gebrach, waat weer uch noats zoewe kènne beje en zeker neet väör die minimale biedrage van € 5,00, wo ouch nog ’n consumptie bie in is begrepe. D’r zeen ouch ’n aantal leje ,die allein noats nao zo’ne aovendj zoewe gaon, mer det noe waal doon ómdet w’r in vereinigingsverbandj ouch biejein kènne zitte op väör ós gereserveerdje plaatse.

 

Óm same mit ós van dae sjoane aovendj op 18 januari 2012 te kènne genete hoof g’r allein mer oppertied (uterlik väör 31 december) de strook van de breef dae g’r in ‘t nuuj Veldjeke Bekèt höbtj gevónje, same mit ’t geldj in te levere bie Riet Bougie.*

 

Haopelik zeen w’r ós op 18 januari 2012 óm 19.00 oer in zaal Royal oppe Pejjerstraot.

 

*) gein bón? Sjriftj den zelf op ’n breefke d’rbie: naam, adres, aantal minse äövereinstömmendj mit ’t ingeslaote geldj: leje 5 euro; introducees 7 euro.